Innbyggjarar i bustadfelta Hansvika og Legehaugane på Dimnøya vert utan vatn på dagtid måndag 19. februar. Mellom klokka ni og klokka femten vert det nemleg vassutkopling i området. Dei nye brannkummane i Legehaugane skal knytast til ledningsnettet og i samband med dette må vatnet koplast ut.
Avdelingsleiar Odd Kåre Wiik ved teknisk etat opplyser at det er sendt ut varsel på SMS til dei som vert omfatta av vassutkoplinga. Han melder også om at vatnet vert sett på att utan nærare varsel.