(NPK-NTB): Det viser Kripos sin narkotika- og dopingstatistikk for 2016. Aldri før er det blitt beslaglagt så mykje hasj som i 2016, då det vart teke i alt 3,1 tonn av stoffet.
Ein klar trend dei siste åra er at MDMA, som er verkestoffet i det såkalla partydopet ecstasy, blir beslaglagt stadig oftare. Stoffet var så godt som borte frå marknaden i 2009, men i fjor vart det gjort MDMA-beslag over heile landet. Totalt tok politiet og tollvesenet beslag i om lag 150.000 tablettar.
Utviklinga er motsett for heroin, der talet på beslag er redusert gradvis sidan 2010. I fjor vart det tatt 13 kilo heroin, som er blant dei lågaste tala det siste tiåret.
Talet på saker med narkotikabeslag har gått ned frå 31.120 i 2014 til 29.939 i 2015 og 26.348 i 2016. Samtidig aukar kompleksiteten i kvar enkelt sak, ifølgje Kripos.
«Vi ser ofte fleire stofftypar i eitt og same beslag, og talet på stoff på narkotikamarknaden er dobla på ti år», heiter det i ei pressemelding.