Hareid Fastlandsamband er diskusjonstemaet når næringslivsaktørar, politikarar og ekspertar samlast til konferanse på Hotell Scandic i Ålesund tysdag.
- Målet med denne konferansen er å gi ei oppdatering på kor langt i arbeidet vi har komt, seier dagleg leiar i Hareid Fastlandsamband AS, Kjell Sandli.
Tysdag samlast over 70 deltakarar, frå næringslivet og politikken, til diskusjon kring Hareid Fastlandsamband. Regjeringa har vedteke at Hafast-sambandet skal vere ein del av den framtidige ferjefrie E39, og Stortinget har løyvd planleggingsmidlar til prosjektet.
Mellom dei som skal halde foredrag er fylkesordførar Jon Aasen, dagleg leiar for Hareid Fastlandsamband AS, Kjell Sandli og Gunvor Ulstein, styreleiar for i sistnemnde selskapet.
Vikebladet Vestposten er på plass i Ålesund, og vil oppdatere utover dagen.