Som kjent skal Marianne Hatløy slutte som politisk sekretær i Ulstein kommune. Jobben har vore lyst ut, og det kom inn 13 søknader.
No har kommunen sett på søknadene og bestemt seg for kven dei vil ha. Ulstein formannskap hadde nyleg møte der dei vedtok at Svein Arne Orvik (36) får tilbod om stillinga. Orvik jobbar i dag som informasjonssjef i Språkrådet (i Oslo).
Om Orvik takkar nei, går tilbodet vidare til Tore Dammerud. Om han takkar nei får Kari Marie Øvrebø tilbod om jobben.
Jan Berset (ordførar), Knut Erik Engh (varaordførar) og Renathe Rossi-Kaldhol har mynde til å fastsetje/forhandle om løn og tilsetjingsvilkår for politisk sekretær.