Det kan kanskje Eirik Strandabø gi svar på når han gjestar Ulstein Mållag sitt årsmøte onsdag neste veke.

– Eg er oppvaksen i nynorskland og skreiv nynorsk fram til eg var 18 år. Då bytta eg over til bokmål, fortel Eirik Strandabø.

I samband med årsmøtet i Ulstein Mållag vil Strandabø fortelje om kvifor han forlet nynorsken og kvifor han det siste året har tatt til å skrive nynorsk att, som laurdagskommentator i Vikebladet Vestposten.

Gitarmusikk

Eirik Strandabø vil også by på musikalske innslag.

– Eg har spelt ulike former for gitarar i mange år, både som gatemusikant og på pubar. Til årsmøtet i Ulstein Mållag tek eg med meg ukulelen og byr på eit knippe Beatles-melodiar, fortel han.

Delar av fjoråret nytta Strandabø til å reise rundt i Noreg på moped, og etter eit avbrekk er han snart klar til halde fram på turen.

– Rundt påsketider set eg meg på mopeden att, opplyser han.Årsmøtet, som vert halde i kantina i Reiten-bygget, er elles ope for alle som er interesserte. I tillegg til vanlege årsmøtesaker og program, vert det også servering av kaker og rundstykke.