Artisten Solveig Leithaug kjem til Sunnmøre. Ho held konsert i Ulstein kyrkje søndag 12. mars og på Blindheim bedehus måndag 13. mars.
Solveig Leithaug er opphavelg frå Frekhaug i Hordaland, men bur og arbeider som musikar i Nashville i USA. Hun har ei rekke plateutgjevingar bak seg, og er ein del av miljøet rundt Gaithers Southern Gospel. No kjem ho rett frå Studio i Nashville med si nyinnspelte plate, som vert promotert på denne turneen på Vestlandet. Musikksjangeren er country- og bluesstil og tekstane omhandlar heile livet, med klare evangeliske overtonar.
Med seg på turneen har ho dottera Kari, som delttek på nokre av låtane. Ellers deltek Mari Therese Jørgensen frå fadderorganisasjonen Compassion Norge, som vil presentere organisasjonen sitt arbeid.