No ber Ulstein kommune i samarbeid med Sparebanken Møre og Nordea folk sende inn framlegg til kandidatar. Fristen er sett til 12. desember 2014.

Kulturprisen blir gjeve til personar eller gruppe av personar, lag og organisasjonar som høyrer heime i kommunen og som har synt (vevarande) evna og vilje til å yte aktiv kulturinnsats utanom det vanlege. Dersom kulturarbeidet til vedkomande har kome/kjem særskilt Ulstein kommune til gode, og elles fell inn under føresetnader som er nemnd her, kan prisen også tildelast kandidatar som ikkje er busette i Ulstein kommune, heiter i.

Framlegg til kandidatar må sendast skriftleg til Ulstein kommune. Framlegga bør helst vere grunngjeve. Både einskildpersonar, lag og foreiningar kan fremje kandidatar til kulturprisen. Levekårsutvalet kan vurdere andre kandidatar enn det som det er kome framlegg på.