Solveig Linge Stakkestad er valt til ny leiar i Sunnmøre Mållag som hadde årsmøte i Fosnavåg i helga. Ho er frå Valldal , men med unntak av Kristian Stråmyr frå Søvik er resten av styret frå Hareid og Herøy.

Solveig Linge Stakkestad tek over etter Terje Kjøde, som gjekk av etter seks år i vervet. Med seg i styret får ho Kristian Fuglseth, Knut Falk, Kristian Stråmyr, Magnar Storøy og Iselin Nevstad Øvrelid.

Liv Randi Bjørlykke frå Sykkylven fekk Sunnmøre Mållag sin målpris.

Sunnmøre Mållag meiner møtet vitna om ein organisasjon i vekst og fleire lag med god og levande aktivitet. Årsmøtet vedtok elles tre fråsegner. Den eine er ei oppmoding til Thon Hotel Fosnavåg om å bruker nynorsk, den andre ei påminning til fylkeskommunen om ferjer som er forplikta til å nytte nynorsk, og ei tredje der Sunnmørsposten vert oppmoda om å bruke meir nynorsk på sportssidene.