I går ettermiddag kunne Leif Gunnar Brandal og Robert Haugen lande trygt på landjorda på Eljasmarka i Hareid etter tre timar og førti minutt i lufta. Då hadde dei floge med paraglider frå Bondalseidet ved Ørsta skisenter, vore ei runde innom Sæbø, tilbake til Ørsta skisenter, vidare til Follestaddalen og Nordre Vartdal. Der kryssa dei Vartdalsfjorden, flaug over Hjørungdalsvatnet i Hareid kommune, flaug over Melshornet og landa altså på Eljasmarka.
