Eksklusiv Munch-visning på Flø

Torsdag fekk om lag 60 kundar i Sparebanken Møre sleppe inn i Studio Hugo Opdal for å sjå kunsten til Edvard Munch.

I tillegg til å sjå på kunsten, fekk gjestene også eit foredrag om Munch av to Blomqvist-tilsette, og servering frå eit bugnande tapasbord.

Dei 60 gjestene var kundar frå Hareid, Herøy og Vanylven. Fredag vart same arrangementet gjennomført for kundar frå Ålesund.

Bakgrunnen for invitasjonen er at Sparebanken Møre er hovudsponsor for Munch-utstillinga i Studio Hugo Opdal.

Til ei lydhøyr forsamling kunne Blomqvist-ekspertane opplyse at det totalt finst om lag 25.000 trykk signert Edvard Munch. Dette kan høyrest mykje ut, men 15.000 av dei er eigd av Munch-museet. I tillegg har også ein del andre museum sikra seg trykk av Munch. Det er derfor ikkje så ofte Munch-trykk er til sals. Alle trykka er signerte av Munch, og ingen av dei er heilt like.

Blant bileta som no heng på Flø er ei utgåve av ”Vampyr” og to ”Madonna”-bilete. Eit i svart/kvitt og eit i fargar. Det var facinerande å høyre ekspertane frå Blomqvist fortelje omMunch og bileta hans. Framfor ”Vampyr” vart det snakka om det noko trøblete kjærleikslivet til Munch. Han fekk aldri skikkeleg has på samværet med kvinner. ”Vampyr” skildrar korleis ei kvinne syg krafta ut av mannen.

”Madonna” vekte sterk harme i mange krinsar då det vart laga. Blomqvist-eksperten opplyste at det skildrar ei kvinne midt i seksualakta, i det ho blir besvangra. Borda rundt biletet er sædceller og nedst i venstre hjørne er eit foster motivet. Det fall mange tungt for brystet at biletet fekk namnet ”Madonna”, og enkelte har klipt sædcelleborda bort frå trykka.

Beate Gjerde Mork i Sparebanken Møre Ulsteinvik meiner det er ei stor anerkjenning for det vesle bygdegalleriet at Blomqvist legg førvisning av Munch-auksjonen til Flø.

- Vi i Sparebanken Møre er glad for å kunne bidra til at folk her i distriktet får oppleve kunst i verdsklasse. Det er truleg første gong publikum får sjå den verdskjende kunstnaren sine bilete i Møre og Romsdal, og vi er stolte over å kunne bidra til å gjere dette mogleg, seier banksjef Melinda Skeide på Hareid.

Gallerist Hugo Opdal opplyser at utan støtta frå Sparebanken Møre hadde det ikkje vore mogleg å gjennomføre Munch-utstillinga.

Mange pengesterke Sparebanken Møre-kundar var til stades på dei eksklusive visningane torsdag og fredag. Om nokon melde si interesse for å kjøpe bilete, er ukjent, men enkelte hadde diskre samtalar med Blomqvist-representantane. Bileta er i prisklassa frå 1,2 millionar til om lag 9 millionar kroner.

Laurdag er det offisiell opning av Munch-utstillinga. Og då får alle som vil høve til å sjå den unike utstillinga.

Meir å lese på Vikebladet Vestposten:
 
Blir lest no
 

Ekornes-pendlarane:

- For lite tid til barna

- Det verste med pendlinga er at eg får så lite samvær med borna mine, seier Caroline Kvalen.

Arbeidsreise med knappe marginar

– Eg hadde ikkje trudd slutten på yrkeslivet mitt skulle bli slik, seier Evy Beiermann.

Kan ikkje love noko

– Vi er klare over problemet, svarer fabrikksjefen, når Vikebladet Vestposten spør kvifor pendlarane ikkje kan få fem minutt kortare matpause.

Tok sølv i skule-NM

John Henrik Kvalsund Paulsen frå Hareid tok sølv i bilfag i tidenes første skule-NM.

Go'dag:

Å kome seg meir ut i det nære

Les denne vekas Go'dag, forfatta av journalist Andreas Steinnes Bjerknes.

Bryne - Hødd LIVE

Følg Hødd sin kamp borte mot topplaget frå Jæren.

#Journeynebukadnesar

Livet i Karibia

Les om neste del av Tobias Hatløy si fantastiske reise rundt Atlanterhavet.

Fjord 1 tek over fire nye samband

Havila-eigde Fjord 1 skal drifte fire ferjesamband i Hordaland.

Hareidsdøling med i fylket si beste studentbedrift:

- Veldig glade og stolte

Gaute Hermansen kunne saman med sine kollegaer feire prisen for årets studentbedrift i Møre og Romsdal.

Blei junior-norgesmeister i turn:

- Dette var veldig kjekt

Med sigeren i junior-NM er Edel Charlotte Eiken Fosse mellom anna kvalifisert til årets europeiske ungdoms-OL i Ungarn.

Edel Charlotte blei norgesmeister

Edel Charlotte Eiken Fosse blei norgesmeister individuelt under helgas junior-NM i turn.

Ønskjer å sørgje for ei trygg og god russefeiring:

No har russefeiringa starta

Russepresident Kjetil Frøystadvåg Kvalsvik likar å ha ansvar. No er russefeiringa i gong, og han har ansvar for 150 medruss.

Lada opp på Blåsarbua:

- Vi er ein flott fotballfamilie

Fleire av Hødd-spelarane varma opp i forkant av bortekampen på Jæren med eit besøk innom Blåsarbua.