Montørane frå Scansis måtte utsette det siste arbeidet grunna regn, men reknar med å få ferdigstilt skateparken i løpet av fredagen (18.juli).

- Det er viktig at alle respekterer at parken først kan takast i bruk etter siste finpuss med sliping og maling, seier ungdomsarbeidar Marie Flatin.Ulstein kommune i samarbeid med Ulstein Skateklubb er ansvarlege for parken, men bruk av parken er på eige ansvar. Det vil komme opp skilt om dette, og ei sterk oppmoding om bruk av hjelm.

Etter planen blir det offisiell opning av skateparken under Trebåtfestivalen.

- Vi kjem med meir informasjon om dette når det nærmar seg, avsluttar ungdomsarbeidaren, som håpar mange vil ta i bruk den nye flotte skateparken.