- Har spanande tankar om innvandring og kommunesamanslåing

I alle kommunane rundt oss har tema om kommunesamanslåing og mottak av flyktningar stått sentralt det siste halvåret.

- Ulstein KrF har vore så heldige å få stortingsrepresentant Geir Toskedal til Ulsteinvik og Sunnmøre Folkehøgskule måndag 15. februar, fortel Olav Sæter i Ulstein KrF.

Han fortel at som medlem av kommunalkomiteen på Stortinget er Toskedal partiet sin talsmann i innvandringspolitiske og kommunalpolitiske saker

- Med den posisjonen som KrF har hatt som støtteparti for regjeringa i inneverande periode, har han blitt lytta til og har ofte vore framme i media den seinare tid. Han har mange spennande tankar om kommunereform og asylpolitikk, og er vel verd å høyre, oppmodar Sæter som fortel at Ulstein KrF med dette difor inviterer alle med politisk interesse til Sunnmøre Folkehøgskule komande måndag.