Fri Den norske kyrkja, her representert ved Hareid kyrkje, er ikkje lenger knytt til staten. Men er Noreg framleis eit kristent land?
            (Foto: Arkiv / LAG)

Fri Den norske kyrkja, her representert ved Hareid kyrkje, er ikkje lenger knytt til staten. Men er Noreg framleis eit kristent land?Foto: Arkiv / LAG

Vekespørsmålet

Bur vi i eit kristent land?

Fram til 21. mai 2012 var den evangelisk-lutherske kyrkja statsreligion i Noreg. Den norske kyrkja er framleis det største trussamfunnet her i landet, men er altså ikkje lenger knytt til staten.

Det er over tusen år sidan Olav den Heilage tok til på kristninga av Noreg. I år vert det markert at det er 500 år sidan Luther la fram sine 95 teser mot avlatshandelen i den katolske kyrkja. Denne handlinga førte til den lutherske reformasjonen og ei oppbryting av det kyrkjelege eineveldet til den katolske kyrkja. Noreg har vore ein del av den evangelisk-lutherske kyrkja sidan 1537.

I ei meiningsmåling utført av InFact for Dagen nyleg, svarar fire av ti at dei framleis oppfattar Noreg som eit kristent land. Det er elles svært mange, 24 prosent,  som har svart "veit ikkje". 34 prosent har svart "nei".

Kva meiner du? Meiner du at Noreg framleis er eit kristent land? Gå inn på "Vekespørsmålet" og velg det alternativet du er mest einig i; "Ja", "Nei" eller "Veit ikkje".

Fleirtal for felles fyrverkeri

"Tykkjer du felles fyrverkeri er ein god idé?" spurte vi sist veke. Det var det eit overveldande fleirtal som meinte, heile 86 prosent av dei som avgav svar. Ein av ti vil heller skyte opp sitt eige fyrverkeri, medan fem prosent svarte at dei er i mot fyrverkeri. I alt er det registrert 755 avgitte stemmer.

Blir lest no
 

Meir å lese på Vikebladet Vestposten: