- Det er veldig kjekt å sjå at regjeringa held fram den gode satsinga på samferdsel. Vi bur i ein region med ein stor bu- og arbeidsmarknad, så dette er særs viktig for oss, sa Gunvor Ulstein då ho fekk kommentere det olje- og energiminister Tord Lien (Frp) nettopp hadde presentert frå statsbudsjettet for 2016.

Lien var på besøk på Ulstein Expo, der han tala framføre lokal, fylkes- og rikspolitikarar, samt næringslivstoppar som til dømes Kjersti Kleven, Per Sævik, Njål Sævik, Gunvor Ulstein, Tore Ulstein og fleire andre.

Ulstein poegterte det også til lokalavisa etter framlegginga til Lien at det å få realisert Hafast, og resten av fjordkryssingane, som Møreaksen og Halsafjorden, er veldig viktig for fylket.

Til saman ønskjer den sitjande regjeringa å bruke 1,85 milliardar kroner til nye vegar på landsbasis neste år. Hafast, Møreaksen og Halsafjorden er alle nemnt som eigne punkt, og vil få pengar.