Island Offshore har kome fram til at dei vil leggje plattformforsyningsskipet Island Commander i opplag i Ulsteinvik. Fartøyet har vore tilbydd i spotmarknaden sidan i sommar, men ikkje fått tilslag på oppdrag sidan starten av september.
- Marknaden for PSV-ar har utvikla seg negativt gjennom hausten, og det er trist å sjå at dette fantastiske fartøyet ikkje får oppdrag. Vi ser no ingen annan utveg enn å ta Island Commander ut av drift, seier administrerande direktør Håvard Ulstein.
Island Commander vil framleis bli tilbydd markedet på lengre oppdrag, og vil bli sett i drift dersom båten får kontrakt.