Det blir færre og færre mottak for fersk fisk i Møre og Romsdal.
Sunnmøre og Romsdal Fiskesalslag er bekymra for utviklinga som gir fylket færre fiskemottak, skriv Fiskeribladet Fiskaren.
– Mottaka av fisk vil forsvinne fordi kvantum er for små. Møre og Romsdal sit på sikt igjen med det som blir levert frose. Dette vil vere negativt for Ålesund som fiskerihovudstad, sa styreleiar i Sunnmøre og Romsdal Fiskesalslag Knut Støbakk då han opna årsmøtet i salslaget onsdag.
Styreleiaren kunne likevel gle seg over rekordomsetning i salslaget i fjor. Takka vere ei stor prisstiging på fisk omsette dei for over 2,4 milliardar kroner.