Søre Sunnmøre Reinhaldsverk ønskjer å minne abonnentane på at måndag 31. oktober er siste opningsdag for greinplassen på Eidet denne sesongen.
- Det vil elles vere mogleg å levere hageavfall på miljøstasjonen i Saunesmarka i opningstida heile vintersesongen, opplyser kommunikasjonsansvarleg Linn Urke Osnes ved SSR.
Ho kan fortelje at greinplassen på Eidet har vore svært godt besøkt, og at det fine haustveret har motivert abonnentane til hagearbeid langt ut på hausten.
- Greinplassen på Eidet opnar igjen 3. april 2017. Vi oppmodar abonnentane til å bruke selskapet sine nettsider for informasjon om opningstider før dei reiser heimanfrå med hengar og lass, tilrår Linn Urke Osnes.