Fiskebåten M/S Hunter treng mannskap til snøkrabbefiske og responsen er enorm.
– Det er vel slik det har blitt i denne bransjen no, seier Håvard Rutgersen i Fosnavåg-bedrifta Havøy Kystfiske AS til Fiskeribladet Fiskaren om den massive responsen dei har fått etter at dei utlyste dei ledige stillingane.
Og enno er det ei stund til fristen går ut den 1. november.
– Vi har allereie fått over 350 søkjarar. Men det er ein del av dei som ikkje er kvalifiserte. Likevel er vi trygge på at vi vil få eit dyktig og erfarent mannskap om bord på M/S Hunter, seier han vidare.