Gondolbana i Loen i Nordfjord har fått ein betre start enn det var budsjettert med, skriv Nett.no.

Så langt har bana hatt over 10.000 reisande (opp og ned-tur) etter knapt ein månads drift. Bana blei opna av dronning Sonja 20. mai.

– Vi ligg føre skjema, seier sals- og aktivitetsleiar Odd Rune Flo, til Nett.no.

Budsjettet er på 55.000 reisande i år, medan break even-nivået er 42.500 reisande. På årsbasis er break even-nivået 65.000 reisande.

Den mest krevjande delen av gondolbanedrifta er restauranten på toppen, fortel hotelldirektør Richard Grov ved Hotell Alexandra i Loen.

Dagsrekorden så langt er 1.400 besøkande, og det set press på serveringskapasiteten.

Det er Hotell Alexandra som driv restauranten på toppen, og der er hotellet i full gang med å byggje opp erfaring om når besøksmengda er størst og korleis forsyningane skal fraktast opp i tide og i stor nok mengde.