Vard skal byggje ekspedisjonsskip

Ekspedisjonsskip Det 93,5 meter lange cruiseskipet skal byggjast i Vietnam, men utforminga er det designavdelinga til Vard i Ålesund som skal ta seg av.  Foto: Vard

Næringsliv

Vard har teikna kontrakt om å byggje eit ekspedisjonsfartøy for reiarlaget Coral Expeditions i Australia.

Det 93,5 meter lange cruiseskipet skal byggjast i Vietnam, men utforminga er det designavdelinga til Vard i Ålesund som skal ta seg av. Også andre avdelingar i Noreg får nyte godt av kontrakten, mellom andre utstyrsavdelinga og elektroavdelinga, fortel kommunikasjonsdirektør Hege Akselvoll til NRK.

Coral Expeditions blir rekna som ein veteran innan ekspedisjonscruise i Australia og arrangerer mellom anna cruise til Det store barriererevet utanfor nordaustkysten av Australia.