(NPK): Ekspedisjonssjef Fredrik Birkheim Arnesen i Samferdselsdepartementet og administrerande direktør Per Sævik i Havila signerte avtalen tysdag. Kontrakten varer i ti år.
Ifølgje avtalen skal reiarlaget Havila, som held til i Fosnavågen på Sunnmøre, segla med fire nye skip frå Bergen til Kirkenes.
Tilbodskonkurransen om nye kontraktar har gått føre seg sidan 2017, og i mars varsla samferdselsminister Ketil Solvik-Olsen (Frp) at Havila skulle få kontrakten på fire av elleve ruter. Hurtigruten skal ta seg av dei sju andre. Samferdselsdepartementet legg opp til å underteikna kontraktane med Hurtigruten innan kort tid
Kystruta skal segla som i dag, med daglege avgangar frå 34 hamner gjennom heile året.