Styret i Fosnavaag Ocean Academy AS er særs tilfreds med å ha sikra seg Håvard Stave som administrerande direktør.

Håvard Stave har lang og brei erfaring frå den maritime bransjen, med fartstid frå m.a. Rolls-Royce Marine (Teknisk Sjef), Ulstein Design (Designsjef) og Ulstein Verft (Salssjef). Han er utdanna fly-ingeniør i tillegg til bedriftsøkonom, og har nyleg svslutta MBA ved Norges Handelshøyskole.

Håvard Stave skal ha rolla som administrerande direktør. Han skal ha ansvaret for drifta i selskapet og vidare utvikling. Styreleiar i Fosnavaag Ocean Academy Bjørn, Idar Remøy, er veldig fornøgd med tilsetjinga av Håvard Stave som administrerande direktør.

- Håvard står fram som den riktige personen til å vidareutvikle selskapet i tråd med eigarane sine verdiar og langsiktige mål.  Vi er særs fornøgde med å få ein mann av hans kaliber med på laget, og ser fram til å ta fatt på samarbeidet og vegen vidare, seier Remøy i ei pressemelding.

Håvard Stave ser fram til å komme i gang i den nye stillinga.

- Den maritime klynga i Fosnavåg og sunnmørsregionen er banebrytande pionêrar med høg kompetanse og internasjonal anerkjenning. Eg går til oppgåva med stor respekt og ser fram til å samarbeide med mange av bransjens fremste og nyskapande bedrifter, seier Stave.

Håvard Stave vil tiltre stillinga seinast innan 1. juni 2015.