Tok ut 20 millionar kroner meir enn i fjor

Gode investeringar i aksjemarknaden har gjort at Ulstein-familien i år kan ta ut eit aksjeutbytte på 60 millionar kroner - 20 millionar meir enn i fjor.

Ulstein-familien, her representert ved Gunvor og Tore, kan gjennom investeringsselskapet Ulsmo ta ut 60 millionar kroner i aksjeutbytte. Ein solid vekst i forhold til året før.

Ulsmo, investeringsselskapet til søskena Vegard, Gunvor, Tore, Ingerid og Idar Marius Ulstein, samt mora Marit Krohn Ulstein, har per i dag vel 800 tilsette. Ulsmo sin aksjeportefølje utvikla seg sterkt i 2014, og resultatet har dermed blitt endå betre enn året i førevegen. Det skriv Dagens Næringsliv.

Ulsmo Finans slo i følgje avisa referanseindeksen med heile 11,1 prosent, og tente totalt 66,3 millionar kroner. Alle aksjepostane i porteføljen enda med å gjere det betre enn marknaden. Selskapet fekk også eit særs positivt bidrag på grunn av valutaeksponeringa i internasjonale aksjar.