Kristian Kobbenes Starheim, opphavleg frå Ulstein, fekk 28. oktober vite at han som ein av tre forskarar får Kreftforeningen sitt karrierestipend på over 2,8 millionar kroner. Eit stipend han byrjar å nytte allereie over nyttår, då han flyttar tilbake til Norge for å jobbe med forsking ved NTNU. – Eg håpar undersøkingane mine kan opne for meir effektive og betre kreftbehandlingar, seier Starheim. (Foto: Privat.)

Kristian Kobbenes Starheim, opphavleg frå Ulstein, fekk 28. oktober vite at han som ein av tre forskarar får Kreftforeningen sitt karrierestipend på over 2,8 millionar kroner. Eit stipend han byrjar å nytte allereie over nyttår, då han flyttar tilbake til Norge for å jobbe med forsking ved NTNU. – Eg håpar undersøkingane mine kan opne for meir effektive og betre kreftbehandlingar, seier Starheim. Foto: Privat.

Makrofagar har ete bakteriar (blå), og bakteriane vert registrert av signalprotein (raudt og grønt) som set i gong immunforsvaret. Desse proteina kan vere viktige i kreftbehandling. (Foto: Kristian Kobbenes Starheim.)

Makrofagar har ete bakteriar (blå), og bakteriane vert registrert av signalprotein (raudt og grønt) som set i gong immunforsvaret. Desse proteina kan vere viktige i kreftbehandling. Foto: Kristian Kobbenes Starheim.

1 / 2

Ulsteinvikar fekk 2,8 millionar forskingskroner

Kristian Kobbenes Starheim (33) frå Ulsteinvik fekk nyleg eit forskarstipend på over 2,8 millionar kroner frå Kreftforeningen, til forsking som han vonar kan betre blodkreftbehandlinga.

– Det er ei stor ære og eit stort ansvar, seier Kristian Kobbenes Starheim.

Kristian kjem opphavleg frå Ulstein, men bur i skrivande stund i Boston i USA, der han er gjestande forskar ved University of Massachusetts Medical School. Han er postdoktor med utdanning frå Universitetet i Bergen, og har deretter jobba ved NTNU.

28. oktober vart det klart at han no er ein av tre forskarar ved NTNU som får karrierestipend på 2.816.902 kroner frå Kreftforeningen. Pengane som Kreftforeningen gir er samla inn av privatpersonar.

– Eg vil takke alle som har donert til Kreftforeningen både gjennom Krafttak for Kreft og elles. Pengane eg har fått skal gå til å undersøke korleis immunforsvaret kan påverkast for å betre blodkreftbehandlinga, skreiv Kristian Kobbenes Starheim på sin Facebook-konto etter utdelinga.

Vil undersøke mekanismar

No flyttar han tilbake til Norge og Trondheim for å jobbe med kreft ved Institutt for kreftforsking og molekylær medisin ved NTNU frå nyttår av. Kristian fortel til Vikebladet Vestposten at han vil forske på immunforsvaret.

– Immunforsvaret er eitt av kroppen sine naturlege forsvar mot kreft. Det registrerer framandlekamar som bakteriar og virus, samt celler som muterer og endrar seg. Slik vert dei fleste cellene som utviklar krefteigenskapar bli raskt oppdaga. Dei etast deretter opp av «eteceller», som heiter makrofagar, seier Kristian og legg til:

– Men nokre kreftceller kan omprogrammere denne immunresponsen. Vi byrjar no å forstå korleis immunforsvaret speler inn i kreftutvikling, men det er framleis mykje som er ukjent. Det store spørsmålet er om vi kan nytte immunforsvaret til å overvinne kreft? Kan ein til dømes klare å omprogrammere cellene i ein kraftsvulst frå kreftstimulering tilbake til ete-funksjonen?

Det er nettopp dette Kristian no får høvet til å gjere, med solid finansiering i ryggen.

– Gjennom det treårige forskarstipendet eg no har fått, får eg sjansen til å undersøke desse mekanismane, seier Kristian Kobbenes Starheim.

 

Meir å lese på Vikebladet Vestposten:
 
Blir lest no
 

NM: Hødd - Spjelkavik

4-1 siger over Spjelkavik

Hødd møtte Spjelkavik i første runde i fotball-NM.

Sjå kampen i opptak

Vikebladet Vestposten sendte direkte frå Høddvoll i samarbeid med Sunnmørsposten.

NM: Hødd - Spjelkavik:

Hødd greit vidare i cupen

Etter ein litt tam første omgang, viste Hødd Spjelkavik kven som er storebror dei siste førtifem.

Statleg tiltakspakke:

- For dårleg informasjon

– Eg synest det er vanskeleg å prioritere kva tiltak eg skal gå inn for, sa Jeanette Teigene (Frp) under møtet i Hareid formannskap måndag.

Sambandet Hareid - Sulesund:

Normal drift frå torsdag

NM: Hødd - Spjelkavik:

No håpar Amani på "ketsjupeffekten"

Trass i raudt kort på tampen, var Amani Mbedule nøgd med to mål mot Spjelkavik.

NM: Hødd - Spjelkavik:

Ønskjer seg eliteseriemotstand

Torbjørn Kallevåg fekk seg eit mål heilt på tampen mot Spjelkavik.

Ny klinikk i Ulsteinvik

Opnar på Stålhaugane 3. mai.

"Hjemmebane"-innspeling på Høddvoll torsdag:

Treng statistar til straffekonkurranse-scene

- Det blir ein veldig artig opptaksdag, seier "Hjemmebane"-produksjonsteamet.

Vestlandsmeister

Anny Våge Molvær vann slalåmkonkurransen under Vestlandsmeisterskap i alpin i Myrkdalen.

Politiet ønskjer fleire tips frå publikum:

Har ikkje funne bilen

Ein raud bil av merket Peugeot, som so vidt klarte å svinge unna ein lastebil i Haddal måndag, er framleis ikkje funnen.

Ulstein vart beste ungdomsskule

Mange flotte prestasjonar under finalane på Skulecupen i friidrett.

Fjord 1 kan vere verdt nesten 5 milliardar

Det meiner meklarhusa som står for tilrettelegginga av børsnoteringa av ferjeselskapet.