Håvard Haanes (52 år) er tilsett som ny administrerende direktør i Brimer AS.

Etter over 40 år i Brimer/Kvamsøy Plastindustri har noverande dagleg leiar Jarle Støylen bedd om avløysing.

- Det er derfor ei stor glede for styret å meddele at Håvard Haanes har tatt imot stillinga som ny dagleg leiar i Brimer AS. Håvard har ein spennende CV, og har lang og god erfaring frå diverse stillingar i lokalt næringsliv, sist som adm.dir i Tingstad AS. Han er utdanna Siv.ing frå NTH og har m.a. erfaringar som daglig leiar i Stadt Automasjon AS og seinare i Odim ASA der han var med på oppkjøpet og fusjonen inn i Rolls Royce Marine. Her jobba han 3 år som leiar for Deck Macinery Seismic & Subsea. Den siste tida har han jobba som sjølvstendig rådgjevar og styremedlem/-leiar i diverse selskap innan maritim næring, heiter det i ei pressemelding.

Positiv utvikling

Brimer AS er for tida. inne i ei sterk og positiv utvikling. I mai 2015 fekk ein inn Midvest Fondene og Spilka International AS som nye aksjonærer/medeigarar, og foretaket satser på å vekse vidare innan sine hovedsatsingsområder.

- Det er derfor gledeleg å kunne meddele at vi no har fått ein ny toppleiar som har kunnskap om og erfaring frå bedrifter som har gjennomgått sterk vekst og utvikling tidlegare. Håvard Haanes starter opp i Brimer AS for fullt ca 1. april 2016. Fram til dette styrer Jarle Støylen foretaket vidare etter den vekstplanen som styret har vedtatt. Når Håvard er «om bord», vil Jarle halde fram som styremedlem og i ei anna stilling i selskapet.