Måndag ettermiddag vil det gamle våningshuset på Kvalneset etter alt å dømme verte flammane sitt rov. Men først skal brannmannskap få øve seg på røykdykking og sløkking.

Måndagskvelden har nemleg Ulstein brannvesen planlagt å halde brannøving i våningshuset.

- Det vert sett fyr inne i huset, og røykdykkarane får gjennomført øving med røykdykking og brannsløkking. Etter at denne delen av øvinga er gjennomført, vert bygget brent kontrollert ned til grunnen, opplyser brannsjef Arne Runar Vik.

Også Hareid brannvesen tek del på denne øvinga.