Rådmann Einar Vik Arset har fått innvilga eitt års permisjon av Ulstein formannskap som hadde møte i går, tysdag. Arset søkte om permisjon frå rådmannsstillinga avdi kona hans skal studere ved University of California i San Diego det komande året. Kona tek med seg mannen og dei tre borna til USA.
Permisjonen gjeld frå 1. september. Assisterande rådmann, Verner Larsen, vert konstituert i stillinga som rådmann i Ulstein medan Vik Arset er borte.