Torsdag og fredag denne veka, i tillegg til tysdag og torsdag neste veke, skal Ulstein og Hareid forhandle om ein intensjonsavtale om å danne ein ny kommune.
Begge kommunane stiller med eit forhandlingsutval utpeika av kommunestyra. Ulstein sitt forhandlingsutval består av ordførar Knut Erik Engh (Frp), varaordførar Steinar Torvik (KrF), gruppeleiar Renathe Rossi-Kaldhol (Ap) og rådmann Einar Vik Arset.
Hareid sitt forhandlingsutval består av ordførar Anders Riise (H), varaordførar Kristian Fuglseth (Folkelista), Ranja Dimmen (Folkelista), Truls Håbakk (Frp), Annika Brandal (V) og Berte Holstad (H) er vara.
To av forhandlingsmøta tek stad på Hareid og to i Ulstein. Morgonen 8. juli skal intensjonsavtalen signerast.
NRK skriv at Hareid og Ulstein har fått utsett frist til 1. september om å bli einige om dei vil slå seg saman eller ei.