Drone, feller, plakatar og ei eiga gruppe på Facebook er mellom tiltaka som er tatt i bruk for å få tak i hunden Lissi, som har vore sakna sidan måndag. Eurasier-hunden er framleis på frifot, men har blitt observert dagleg.
LES OGSÅ: Politiet etterlyser Lissi
I følgje Beate Pilskog nærmar Lissi seg no området der ho forsvann, Plassane på indre Hareid. Elles har ho blitt sett fleire gonger på og ved Melshornet, i Hareid sentrum, ved Rotary-stien og i området ved Kaldholen og Røyset. I går kom det inn to obervasjonar som vart gjort i Vabakkane. Mange har engasjert seg i leitearbeidet og har tråla områda der hunder har blitt sett.
- Dersom nokon ser henne er det fint om vi kan få vite det, seier Beate Pilskog. Observasjonar kan meldast inn på telefonnummera 900 97 132 og 976 06 203.