Høg regularitet i heile fylket

Fylkesstatistikken frå Møre og Romsdal fylkeskommune viser at alle ferjesambanda i fylket har ein regularitet på over 99 prosent. Dei fire sambanda med best regularitet, Sykkylven - Magerholm, Volda - Folkestad, Volda - Lauvstad og Sæbø - Leknes - Skår hadde til saman 12 innstilte avgangar i løpet av 2015.

Tre samband hadde ein regularitet på 99,1 prosent i 2015. Dei tre er Hareid - Sulesund, Arasvika Hennset og Småge - Orta - Finnøya - Sandøya - Ona. På sistnemnte samband var heile 95 av 105 innstilngar grunna vêrtilhøve.

På Hareid - Sulesund vart det innstilt 253 avgangar i løpet av 2015. Det vil seie at det vart innstilt 0,69 avgangar per dag. 253 er det høgaste talet innstillingar på noko samband i fylket, men det er av ein total på 27.682 avgangar. Det vil seie at det i snitt var over 109 avgangar mellom kvar innstilte avgang.

Fylkesstatistikken tek også føre seg kor stor del av trafikken på ferjene som er passasjerar. Åtte av sambanda i fylket har over 50 prosent reisande som ikkje var førar av eit køyretøy.

Hareid - Sulesund hadde ein passasjerdel på tett over 40 prosent av dei reisande, viser fylkesstatistikken. Hundevika - Festøya var einaste samband med lågare passasjerdel.

Samband med flest innstillingar i 2015