Ein bil køyrde av vegen i natt, melder politiet på twitter.
Årsaka til utforkøyringa var at det brått kom ein hjort framfor bilen. For å unngå å køyre på hjorten svinga føraren til sides, og resultatet var at bilen hamna inn i ein steingard.
Hendinga skjedde ved Torvik i Herøy.
Føraren kjende smerter i ryggen etter møtet med steingarden, og vart køyrd til sjukehus for sjekk.