Sundag 30. oktober er det igjen tid for å stille klokka éin time tilbake, frå klokka 03.00 til 02.00.
Nokre kan synest det er vanskeleg å hugse om me skal stille klokka fram eller tilbake. Me stiller alltid klokka ein time mot nærmaste sommar. Det vil seie tilbake på hausten, og fram på våren. I Noreg har me hatt sommartid kvart år sidan 1980.
Visste du at norsk normaltid er ein time foran den såkalla UTC-tida? UTC står for "Coordinated Universal Time", som er ei felles legal tid som gjeld over heile verda. Norsk sommartid er to timar foran UTC-tid. Sommartid gjeld normalt klokka 02.00 siste sundag i mars til klokka 03.00 siste sundag i oktober.
Tidspunktet for skifta mellom normaltid og sommartid er felles for landa i EØS-området og vedteke av EU-kommisjonen i henhold til direktiv om sommartid.
Lengre nyttårsaftan
Næringsminister Monica Mæland (Høgre) opplyser i ei pressemelding at nyttårsaftan i år blir bittelitt lengre enn vanleg.
Det internasjonale byrået som overvaker jordrotasjonen har nemleg bestemt at det i 2016 skal leggjast til eitt sekund, ei skotsekund, til verdas offisielle tidsskala. Dette sekundet skal leggjast til i overgangen mellom 2016 og 2017. I Noreg vil skotsekundet kome ein time inn i det nye året, klokka 00:59:60 (UTC+1).