"Godøy" startar opp att 10.50 frå Ålesund

Boralis opplyser at tauverket no er fjerna frå vassjeten til snøggbåten "Godøy", og at båten går i ordinær rute frå Ålesund klokka 10.50.

Dette skjedde tidlegare i dag:

Snøggbåten "Godøy" som trafikkerer strekninga Hareid, Valderøy, Ålesund, kan ikkje reise frå Ålesund som planlagt klokka 9.50. Både denne avgangen, og avgangen klokka 10.25 frå Hareid er innstilt, opplyser Boralis.

Årsaka er at "Godøy" har fått tauvverk inn i vassjeten.

Buss er sett opp

Det er sett opp buss frå snøggbåtkaia i Ålesund, og frå kaia på Sulesund.

- Dei som skal med snøggbåten klokka 10.25 frå Hareid går om bord i Sulesundferja. På Sulesund står det buss og ventar. Driftsstansen blir kort, opplyser Boralis.