Vikebladet.no har tidlegare skrive at underskriftskampanjen mot ny kyrkje i Ulstein har samla nok underksrifter til å bli tatt opp som sak i Ulstein kommunestyre.
Etter kommunelova skal kommunestyret sjølv ta stilling til eit innbyggjarinitiativ om minst 2 prosent av innbyggjarane står bak forslaget.
Peter Skinnes m.fl. har samla inn 237 underskrifter, noko som er godt over grensa på 166 underskrifter.
Det er kommunestyret sjølv som skal ta stilling til korleis innbyggjarinitiativet skal handterast vidare. Saka blir difor lagt fram utan tilråding.
Saka skal opp i Ulstein kommunestyre 31. mars, altså torsdag neste veke.