Bjarne Kvalsvik frå Uavhengig valliste for Sunnmøre har levert ein interpellasjon til Fylkestinget i Møre og Romsdal skal ha møte neste veke. Møtet er 26. og 27. april i Kristiansund.
Han og Kari Ristesund frå same liste har ein del spørsmål i samband med utbygginga av Sande fastlandssamband dei vil ha svar på. Her er interpellasjonen i sin heilskap:
INTERPELLASJON
Sande fastlandssamband har jobba i om lag 20 år med å få knytt øyane i Sande til fastlandet. Det har vore jobba med ulike løysinga og ulike trasear over lang tid.
Ein har no landa på undersjøisk tunnel, frå Voksa/Sandsøya, med kryss på botnen og ei eiga vegarm til Kvamsøya.
Våren 2016 vart kommunedelplan for Sande fastlandssamband vedteken i dei to kommunane Sande og Vanylven.
Ein har så langt jobba med den føresetnad at den undersjøiske tunnelen skal ha ei stigning på 8%.
Slik vi, i Uavhengig Valliste for Sunnmøre , vurderer den nye tunnelføreskrifta som trådde i kraft 1 januar 2015, er det kanskje svært vanskeleg å få bygge undersjøiske tunnelar med slik stigning som Sande fastlandssamband legg opp til.
Sidan dette etter kvart skal verte eit Fylkesvegsamband og erstatte fylkesveg-ferjesambandet på rute 01. Meiner vi Møre og Romsdal Fylkeskommune har eit stort ansvar for å få desse forholda avklara, så ein kjem vidare i arbeidet.
1. Fylkesordførar: Kva kan Fylkeskommunen gjere for å få fortgang i prosessen med å få stigningsforholdet avklara ?
2. Det vert hevda at dette er eit sjølvfinansierande samband, ved bruk av ferjeavløysingsmidlar. Er dette også Fylkeskommunen sin vurdering av prosjektet?
3. Fylkesordførar: Visst sambandet er sjølvfinansierande og ikkje vil påverke andre prosjekt i fylket. Då er det vel viktig med stor framdrift så prosjektet kan realiserast raskt?
4. Fylkesordførar: Kva kan eventuelt Fylkeskommunen bidra med for å halde oppe framdrifta?
Mvh Bjarne Kvalsvik og Kari Ristesund, Uavhengig valliste for Sunnmøre