Konserten med den verdskjende artisten Sting i Ålesund i kveld gjer at hurtigbåtoperatøren Boreal set opp ein ekstra avgang frå Ålesund til Hareid natt til onsdag. Også mange frå Søre Sunnmøre er venta til Color Line Stadion tysdag kveld. Rundt 12.000 billettar er selde til konserten.

Denne avgangen går klokka 00.15, og billettar seljast om bord på båten som skal gå, MS Godøy. Det blir også førehandssal til denne avgangen under tidlegare avgangar, opplyser reiarlaget.