Det har kome inn fleire søkjarar til stillinga som einingsleiar for VAR-området (vatn, avløp og renovasjon) i Hareid.
Men rådmann Ragnhild Velsvik Berge opplyser at administrasjonen har bestemt seg for å konstituere Christina Steffesen i stillinga. Ho er jurist og rådgjevar ved sektor for kommunal teknisk drift i kommunen.
Administrasjonen vurderer om stillinga skal utlysast på nytt, og om det eventuelt skal gjerast endringar i stillingsinnhaldet.
Lars Hustad har tidlegare vore einingsleiar for VAR-området.