Det var eit yrande folkeliv på kaia i Brandal då Polarstar runda Kvitneset på veg heim i ettermiddag.
Sola skein opp både dagen og skuta då "Star'en" kom sigande til land i møte med folkehavet.
Det var fullt program og fleire talarar som prisa arbeidet som har blitt gjort i høve restaureringa av ishavsskuta og takka alle involverte.
Gunnar Myklebust leia programmet, og talarane var mellom anna ordførar i Hareid, Sande og Ålesund kommune, Anders Riise, Dag Vågen og Eva Vinje Aurdal, fungerande ambassadør til Noreg, Marian Siemacowicz, statssekretær Elsbeth Tronstad, statsråd Sylvi Listhaug, tidlegare journalist og stortingspolitikar for SV, Stein Ørnhøi, Gro Brandal, dottera til Bjarne Brandal, riksantikvar Erik Småland og sjølvsagt også Willy Nesset.
Elles var det fleire songinnslag av Brandalskoret, som mellom anna framførte den nyskrivne Polarstar-valsen av Per Arne Brandal.