felles ansvar: Annika Brandal på kulturkontoret i Ulstein trur Heimebane kan trekkje turistar.
(Foto: Linda Eikrem)

felles ansvar: Annika Brandal på kulturkontoret i Ulstein trur Heimebane kan trekkje turistar. Foto: Linda Eikrem

Premierefest for Heimebane på Sjøborg

– Rett før serien har sendestart på NRK, skal vi få til ei markering her i Ulsteinvik, seier produsent Vilje Kathrine Hagen.

Ho fortel at planen er å vise dei to første episodane av Heimebane på festen.  Datoen er ikkje heilt klart, men det kan verte i slutten av februar.

– Eg håper Ulsteinvik får noko igjen for å ha stilt opp for produksjonen, til dømes gjennom auka turisme, seier Hagen.

Annika Brandal ved kulturkontoret i Ulstein kommune fortel at dei er klar over at dei må utnytte PR-effekten Heimebane vil gje for Hareidlandet.

– Det er ikkje så mykje som er handfast enno, men her må det vere fullt mogleg å trekkje turistar til området, seier ho.

Saman med produsenten hadde kulturkontoret i Ulstein møte med Destinasjon Ålesund og Sunnmøre før sommaren. Brandal sit også i styret i Destinasjon Ålesund og Sunnmøre.

– Eg har prøvd å så litt entusiasme i styret, så dette har eg stor tru på, seier Brandal.

Ho seier at det er mange som har eit ansvar for å utnytte effekten tv-serien kan gje.

– Ja, i tillegg til kommunen og Destinasjon Ålesund og Sunnmøre, bør også hotellet og næringslaget ha ein plan.


 
Blir lest no
 

Meir å lese på Vikebladet Vestposten:
 

Glen Børge Løset Flø:

- Eg er veldig glad

Ulstein ankar ikkje mobbesaka:

Letta ordførar

Hødd sin nye daglege leiar er på plass:

- Ei stor ære