I september opna Enova opp for at kommunar kunne søke støtte til opparbeiding av hurtigladarar for el-bil. Ulstein kommune er ei av kommunane som har søkt, og får tilslag på 400.000 kroner til to hurtigladarar.
Ifølgje kommunalsjef Anita Sundnes i teknisk etat skal dei to ladestasjonane plasserast ved parkeringsplassen på oppsida av Ulstein Arena. Sundnes skriv i ein e-post til Vikebladet Vestposten at ein i gang med oppstarten av prosjektet, og at ein truleg har hurtigladarane på plass i løpet av første halvår i 2018.
Enova tilbyr framleis støtte til kommunane, og skriv i ein E-post til Vikebladet Vestposten at både Hareid og Sande kan søke om støtte til bygging av to hurtigladarar. Sjå oversikt over kommunane som kan søke på Enova sine nettsider.