Driftsbudsjettet for Ulstein Arena har lenge vore etterspurt. Sist tysdag fekk Ulstein formannskap lagt fram eit driftsbudsjett for det nye anlegget.

Ulstein kommune skal betale 13,803 millionar kroner i året til Ulstein Eigedomsselskap KF. Desse pengane går til renter og avdrag (11,703 mill. kr), reingjering av idrettshall (550 000 kr), reingjering fritidsbad (300 000 kr), teknisk leiar (700 000 kr) og kommunale avgifter/forsikring/generelt vedlikehald (550 000 kr).

I det opphavlege budsjettet var det sett av 12,62 mill. i husleige til UEKF.

Ulsteiin Arena opna laurdag 2. desember.

Tilsett 13 stk.

Det er tilsett 13 personar med til saman 8,3 årsverk som servicevertar og badevakter.

Det er sett av 3,97 mill. til badevakter og vertar og 394 000 kr til tilsynsvakt.

I det opphavlege driftsbudsjettet var det sett av 1,6 mill. til bemanning/badevakter. Men der var også sett av 200 000 kr til tilsynsvakter i hall og 600 000 kr til kiosk/billettsal.

Straum

Det er budsjettert med 1,5 mill. i straum på badeanlegget. 20 000 kr i straum til klivrehallen, 100 000 kr i straum til biblioteket og 200 000 kr i straum til idrettshallen.

I det opphavlege budsjettet står det 1,82 mill. til straum, som er same summen, men at det skulle dekkast av UEKF.

Der er også ein del utgifter som arrangement, marknadsføring og driftsmateriell. Til saman kjem ein opp i utgifter til Ulstein Arena på 20 027 377 kr.

Inntekter på bading

Men der er også inntekter. Dei vil ta ein million frå oppvekstetaten for å dekke inn for elevbading. Omsorgsetaten skal betale 300 000 kr for bading. Det er vidare budsjettert med vel 2,8 millionar i billettinntekter frå private.

Andre inntekter

ULSMO vil sponse med 3 mill. kr i året dei 10 første åra.

Det er budsjettert med 630 500 kr i inntekter for sal til lag/organisasjonar. 200 000 kr i hall-leige for idrettshallen, noko som vil dekke reinhaldet av hallen. Dei skal også få inn 414 100 kr i inntekter på klivrehallen.

Dette blir til saman 8 345 350 kr i inntekter.

Vidare overfører dei husleige på 400 000 kr frå Idrettshallen og 468 336 kr i budsjettmidlar frå gamle idrettshallen.

Sum nettokostnad (meirkostnad) for Ulstein kommune i noverande budsjett er på over 12 millionar (12 113 691).

Kan nok bli dyrare

I budsjettet ligg det inne at Ulstein Arena vil koste 249 millionar kroner. Det ligg inne ei rente på 2,2 prosent, og at bygget skal betalast ned over 40 år.

Men kva summen for Ulstein Arena blir er framleis usikkert. Økonomileiar Steinar Nummedal i Ulstein kommune orienterte formannskapet om at summen for anlegget kan bli dyrare, noko som vil føre til at UEKF, og med det Ulstein kommune, må betale meir i avdrag for å betale ned Ulstein Arena.

Bading frå 2. klasse

Lisa Mari Breivik Anderson (Senterpartiet) lurte på om skuleelevane vil få meir bading no enn tidlegare. Jau, det meinte rådmannen at dei kom til å få.

Elevane vil no få symjeopplæring frå andreklasse i det nye badeanlegget.

Ulstein Framstegsparti vil i budsjettet slå fast at tilbodet om symjeundervisning ved Ulstein Arena skal vere likeverdig for krinsskulane og sentrumsskulane.

Les også¨: