I dag, torsdag, skal Ulstein kommunestyre godkjenne ny forskrift for Søre Sunnmøre Reinhaldsverk. Kommunestyret i Ulstein har handsama denne saka før, men må ta saka opp på ny for å gjere likelydande vedtak som Sande og Hareid. Alle eigarkommunar må gjere same vedtaket.
Det er nye formuleringar om køyreveg. SSR skal tilpasse bilane sine til dagens vegnett, samtidig må kommunane stille med vegar som toler 8 tonns aksellast (pluss ein del andre variablar).
For Ulstein kommune fører dette til at dei må ta ein gjennomgang og eventuelt oppklassifisere nokre vegar. Dette vil administrasjonen gå nærare igjennom, og eventuelt kome tilbake til kommunestyret med som eiga sak.