Ein mann i 20-åra er varetektsfengsla i fire nye veker, sikta for vald mot eks-kjærasten sin i Ulsteinvik. Kvinna fekk skadar i ansiktet og måtte leggast inn på sjukehus. Han sa ja til vidare fengsling, og Sunnmøre tingrett meiner han truleg kjem til å gjere nye lovbrot viss han vert sett fri. Mannen er også sikta for fleire andre lovbrot, mellom anna oppbevaring av rundt 160 gram amfetamin.