Dei store nedbørsmengdene i natt har fått Sveneselva på Ytre Hareid til å fløyme over. Store vassmengder kjem fossande over gang- og sykkelvegen og vidare over køyrevegen mellom Hareid og Brandal.
Det er mogleg å køyre bil på vegen, og både Mesta og folk frå Hareid kommune er komne til staden.
Vassmengdene renn vidare utover mot Brandal på bilvegen og ned over mot Linnvika.