Politiet åtvarar mot at det no kan komme ei bølgje med tjuveri av båtmotorar.

Langs svenskekysten mellom Göteborg og Strömstad er det i sommar stole 330 båtmotorar, og politiet seier at godt organiserte bandar no vender seg mot Noreg.

Norsk politi ber folk sjå etter båtane sine, fordi det ofte er meir tjuveri mot slutten av sesongen når det er mindre trafikk i småbåthamnene.

Det vert anslått at 60– 70 prosent er utanlandske ligaer, som opererer både i Noreg og Sverige. Dei slår effektivt og hardt til i eitt område og fraktar motorane raskt ut av landet.