I går vart det offentleggjort kven det er som kjøper den 107 meter lange luksus-yachten frå Kleven Verft.
Det er Robyn og Greame Hart frå Auckland, New Zealand. I følgje Wikipedia er Graeme Hart (fødd i 1955) New Zealand sin rikaste mann.
Dette er ein mann som ikkje likar å vere i media og gjer få intervju.
Han gjer seg rik på å kjøpe opp firma som med han som eigar gjennomgår kostnadskutt og effektivisering.
Frå før eig Hart ein luksus-yacht på 58 meter. Den båten heiter også Ulysses, det same som Kleven Verft har oppgjeve at båten frå Kleven skal heite.
