Kersti Hasund og Mari Ann Vattøy i den lokale demensforeninga er skuffa over at ikkje ein einaste politikar i Ulstein møtte opp for å høyre på ordføraren i Moss.
Dei opplyser at det var sendt ut invitasjon til kommuneleiinga i Hareid, Ulstein, Herøy, Sande og Vanylven.
- Vi hadde verkeleg venta at det kom nokon frå Ulstein kommune. Konferansen vart til og med halden i vår kommune, kommenterer dei to kvinnene.
Burde også vore folk frå administrasjonen
Dei meiner at både den politiske og administrative leiinga i Ulstein hadde hatt stort utbytte av å høyre ordførar Tage Pettersen snakke om kor små grep som eigentleg skap til for å skape eit meir demensvennleg samfunn.
- Det er tydeleg at ordføraren i Moss brenn for demenssaka. Kommunale eldsjeler er viktig, seier Hasund og Vattøy, som begge sit i styret til Ytre Søre Sunnmøre Demensforening.
Begge håper at kommunen kan få , med både fagfolk, pårørande og folk med demens.
Og når politikarane ikkje kom til dei, vil styremedlemene gjerne kom til dei:
- Vi vil gjerne kome på eit kommunestyremøte for å orientere både politikarane og den administrative leiinga i kommunen.
Ordføraren beklager
Jan Berset, ordførar i Ulstein (H), seier til Vikebladet Vestposten at han var tenkt å gå på møtet i regi av Søre Sunnmøre demensforening.
- Men eg fekk det rett og slett ikkje til å passe inn i timeplanen min, og det beklager eg så mykje.
I ettertid ser han at han burde prøvd å delegere oppmøtet til nokon annan.
Berset understrekarat han synest demensomsorga er ei viktig sak.
- Demensomsorga er krevjande i Ulstein alt i dag, og ho kjem til å bli endå meir krevjande i åra framover, så vi burde ha vore på møtet, slår han fast.
Leiar: Manglande engasjement for demenssaka