Då Amnesty International fekk aksjonspengane frå TV-aksjonen i 2012 kom det inn 198 millionar. I fjor vart det samla inn 230 millionar til Nasjonalforeningen for folkehelse og demenssaka. Og i år vart det sett ny rekord igjen. Nesten 240 millionar kom det inn.
Pengane går til å gje menneske i åtte land varig reint vatn. Målet var varig reint vatn til 300 000 menneske i Sudan, 100 000 i Sør-Sudan, 180 000 i Etiopia, 160 000 i Somalia, 50 000 i Tanzania, 100 000 i Afghanistan, 78 000 i Pakistan og 50 000 på Haiti.
Generalsekretæren i Kirkens Nødhjelp seier til NRK at dei har lovd reint vatn til ein million menneske, no blir det fleire som får vatn.
Godt over snittet lokalt
I Noreg vart det samla inn 46,96 kroner i snitt per innbyggjar.
Rauma er den kommunen i fylket der dei gav mest per innbyggjar: 95,05 kroner.
Herøy kommune ligg på fjerdeplass i fylket med 74,19 kroner. I Ulstein kommune vart det samla inn 68,89 kroner per innbyggjar. I Hareid kommune kom det inn 61,22 kroner per innbyggjar. Og i Sande vart det samla inn 67,64 kroner per innbyggjar.
På botn i fylket ligg Ålesund med 35,25 kroner per innbyggjar.