Ei søndagsnatt i mars i år, var ein kar som er busett på Ytre Søre Sunnmøre ute på ein særleg farleg køyretur.

Blodprøver tatt av han 10 minutt etter at køyeturen var avslutta, viste ein alkoholkonsentrasjon på 2.05 promille.

Då hadde han lagt bak seg 20 km på til dels speglblankt føre. Han hadde også ein passasjer i bilen.

På toppen av Dragsundbrua kom han over i feil køyrebane, og over Leikongeidet var det blankis. Det var ein bil som kom bak, som alarmerte politiet om vinglete køyring.

Mannen har forklart til politiet at han i løpet av laurdag ettermiddag, kveld og natt hadde drukke ei flaske vodka og nokre pils.

Søre Sunnmøre tingrett har dømt mannen til fengsel i tretti dagar, ei bot på 27.000 kroner, og tap av førarkort i Norge i to år.

Han skal også betale 3000 kroner i sakskostnader.