Hareid Group har satsa om lag 110 millionar kroner på Hareid Service Base og nytt administrasjonsbygg på indre Hareid.

Bruksarealet på det nye administrasjonsbygget blir totalt på 6960 kvadratmeter, og alle selskapa/avdelingane i konsernet skal samlast i bygget.

I første etasje blir det kantine og trimrom opp mot fylkesvegen, medan det på sjøsida blir tekniske rom og montørhall med store portar.

Dei to andre etasjane blir reine kontoretasjar. På toppen av bygget skal det installerast ei avansert styring og eit solcelleanlegg på totalt 1700 kvadratmeter.

Masdalsklova

Bygget er teikna av Sporstøl Arkitekter, og det er skapt assosiasjonar til det maritime og naturen omkring, spesielt Masdalsklova.

Konsernsjef Ronald Dyrhol i Hareid Group og styreleiar Bjørn Bjåstad i Hareid Elektriske AS fortel at bygget blir reist i samarbeid med lokale aktørar. Conplan, Rise Bygg, Rørservice Ulsteinvik, Nordvest Miljø, Brekke & Kleppe er viktig leverandørar. Det same er Sparebanken Møre på finansieringsstida.

Styreleiar Bjørn Bjåstad i Hareid Elektriske AS (t.v.) og konsernsjef Ronald Dyrhol i Hareid Group framfor det nye administrasjonsbygget som no reiser seg på Mylnå Indstriområde, indre Hareid.